مشكلة عدم ظهور الصور
رابط الموضوع في المنتدى للاستفسار او المناقشة
علامة اكس الي تظهر مكان الصور
المنشورة في مشاركاتنا
هي بالضبط حالها خال البنجر الي يصير بالسيارة
عطل مزعج ووارد في اي لحظة
راح نتطرق الى اهم اسباب ظهور هذه العلامة
---------------------------------------------------------------
الحالة الاولى قليلة الحدوث
حالة متعلقة باعدادت المتصفح نفسها يكون
متلاعبين بيها نتيجة خطاء او عدم دراية
بحيث منطين ايعاز للمتصفح انه مايعرض الصور
وهاي تصير على كل الصور في الصفحات المفتوحة
يعني من نشوف انه كل الصور مجاي متطلع
نذهب الى المسار التالي
tools
internet option
advanced
ونتاكد كما في الصورة التالية انه مأشرين على
اظهار الصور
---------------------------------------------------------------
الحالة الثانية نجد انه في الصفحة صور تظهر
وصور لاتظهر
وهذا هو الشائع
من اسبابه
اول ضعف خط الانترنت لديك خاصة اذا كانت
الصفحة بيها هواي صور وبابعاد جبيرة
راح يحمل المجموعة الاولى وينهار التحمييل
فتطلع الباقيات بيها علامة اكس
في مثل هذه الحالة نقوم بعمل ريفريش للصفحة
سيقوم بتحمييل الصور المتبقية من جديد او جزء
منها
وقد تحتاج ان ترفرش اكثر من مرة الى ان يكمل
كل الصور
طبعا التفسير العلمي لانه من تسوي ريفريش بعد
ما يحمل الصور الولى من السيرفر
لانه نزلها بالكاش مال الجهاز ويسحبها منه
فيوفر قوة الخط للصور الباقية وهكذا
طيب ما فادت بقن الصور ميطلعن
هنا معناه احد الامور التالية
اما السيرفر الي محملين عليه هاي الصور واكف
حاليا ً
وهاي تصير كثيرا في مواقع تحمييل الصور خاصة
مع نهاية الشهر لان يبدي الباندويث يخلص
شلون تعرف انه الاشكال من السيرفر لازم تجييك
تشوف كل الصور الواكفة مرفوعة على نفس الموقع
كلك ايمن على الصورة ومن خصائص تكدر تشوفها
وين متحملة على ياموقع
ومثل ماكلنا قد يجوز توقف مؤقت ويرجع بعد فترة
اومع بداية الشهر الجديد
او احتمال انه الموقع لاغي هاي الصورة لان
مخالفة لشروط التحمييل او انتهى وقت الاستضافة
بعض المواقع تخلي اشارة بانه تم ايقاف الصورة
وبعضها ما تخلي فيطلع الاكس مكانها
تكدر تعرف انه هذا هو السبب بان تشوف الموقع
شغال لو واكف
يعني تشوف اكو غير صورة محملة على هذا الموقع
وشغالة اذا اكوو شغلات
فالعيب بالصورة مرفوعة اما اذا ماكوو فنرجع
لنفس احتمال توقف السيرفر المستضيف
---------------------------------------------------------------------------------
احتمال اخر عند نقل الصور من مواقع مسويه
حماية لصورها
hot link
لحماية الباندويث من الاستهلاك
بحيث هاي الصورة ما تشتغل الا في موقعهم
فمن تجي تسويلها كوبي بيست للمنتدى مثلا مراح
تطلع بالمنتدى ويطلع مكانها حرف اكس
--------------------------------------------------------------
الاحتمال الشائع ايظا
خطاء بادراج رابط الصورة وهذا يحدث مع الجدد
خاصة في المنتديات
يدرج الرابط بشكل خاطى لو يروح منه حرف او
يزيد بيه حرف
المهم خربطة بالرابط
في هذه النافذة تدرج رابط الصورة
كالتالي
http://i12.tinypic.com/4d4fg29.gif
اكو خطاء يقع فيه
البعض ان يضيف الرابط الى الكلمة اموجودة بالنافذة فتصبح كالتالي
http://http://i12.tinypic.com/4d4fg29.gif
وطبعا مراح تطلع
الصورة اذ يجب ان تفرغ مربع الحوار وتدرج به رابط صورتك الاصلي فقط
وطبعا راح تعتبر حالها حال الصورة المتوقفة
ويطلع مكانها حرف اكس
------------------------------------------------------
من الاحتمالات الأخرى نجد ان بعض المستخدمين
يرون الصور
وبعضهم لا
هذا ياتي من حظر بعض المواقع على المستخدم من
قبل مجهز خدمة الانترنت
فلذلك تطلع يم بعض واخر ما تظهر يمهم
------------------------------------------------------