التغييرات الحاصلة في الياهو ميل ومشكلة اللغة |
السلام عليكم
انتشرت
بالفترة الاخيرة مشكلة الشكوى من الترميز في بريد الياهوو مسنجر وكثرت
المقترحات .....
اليوم راح اشرحلكم ماتتوصلت اليه وطبعا بمجهودي الشخصي وتحليلي للموقف ..هههههههه ومااعرف اذا اكو احد عنده اضافة او تصحيح عبر معلومة متاكد منها فياريت يعزز الموضوع ... راح اتكلم بالجزء الاول عن الياهو ميل الكلاسيك وليس المطور لكون اغلبنا يستخدم الكلاسك لانه اسرع بسبب بطء الانترنت عدنا .. بالبداية اذا كنت انت على الكلاسك فخير على خير اذا كنت على المطور وتريد تحوول فاسهل طريقة كالتالي
يعني مجرد
تضغط على mail classic راح يحولك على الكلاسيك .....
انتهينا من الفقرة الاولى ...
نجي الان
نتطرق الى الحملة الصامتة الي تقوم بيها شركة ياهو بتغيير ايميلاتنا وعلى
نار هادئة وحسب اقدمية الحساب ...لنقلنا الى مايسمى ب
new version of Yahoo! Mail Classic اذا مرة يتذكر عراق هوك من سالني على تغير بايميله وكتله بوقتها اعتقد التغيير ديجيري بالسرا على الايميلات وفعلا تحققت هاي النظرية لان بوكتها ايميلي جان مابيه شي لكن الان وصلتني التغيرات ... كيف تعرف ايميلك وصلته التغيرات لو لا ..... ابسط طريقة تجيك ملف bulk تغير اسمه الى Spam لو لا.. اذا تغير يعني انت الان دخلت ضمن التغيرات الجديدة بالميل الكلاسيك شوفوا هاي الصورتين احداها الى ايميل جديد بعده مواصله السره والثانية الى ايميل اقدم وصله السرا
هذي الصفحة من
اسويلها انكودنك لللغة العربية ومن المتصفح
كالتالي
ماطلعلي اي رسالة
تحذيرية ويتم التغير بكل مرونة ودون اي اشكال
اما ادناه الصورة
الثانية للايميل الي وصلته التغيرات الجديدة
كما
تلاحظون تغير اسم ملف bulk الى spam .. الى حد هنا تبدو الامور طبيعية ..المشكلة
الي دتصير هي بترميز اللغة
فضمن الاعدادات الجديدة فصفحة الياهو ميل الترميز الموصى به والي تعتمد عليه الصفحة هو utf-8
من اريد اغير
الانكودنك مالته من المتصفح تطلعلي الرسالة التالية
لاحظ الرسالة
التاكيدية التي تشير الى هذا عند قيامك بتغير الترميز الافتراضي utf-8
بالصفحة الي وصلتها التغيرات الجديدةالى انكودنك اخر
-------------------------------
نجي الى
الايميل المطور والي يتم الانتقال اليه بابسط الطرق من الكلاسك
بالتوجه الى option
واضغط كما في
الصورة التالية
قبل لانكمل
الشرح شوفوا النفيكة بهذا الايميل يطلعلك كل الاون لاين يعني كربط بين
المسنجر وصفحة
الايميل .. اضافة طبعا الى هواي امور اخرى
بس احنه نريد
نركز على موضوعنا الاصلي ..مسالة الانكودنج
من عندي رسالة
ربش واريد احول الانكودنج من المتصفح ينطيك الرسالة التتنبيهية التالية
وهاي ال more
actio الكاها كما في الصورة التالية
لاحظ بعد القيام بعملية الانكودنج تم
تحول الرسالة الى العربية لمتن الرسالة وعنوانها دون باقي الصفحة والدليل
اسماء الربش الظاهرة علىالفولدرات الجانبية
new version of
Yahoo! Mail Classic
|