على عناد البرامج |
شايفين بعض البرامج من نصبها تخلي الها مداخل على الكليك
الايمن علموود نشغلها من هناك
ادري ربهم وحد احنه هم اي برنامج نريده نخليه هناك زين هاي طريقة بسيطة تخلي برنامج مفضل عندك بقائمة الكلك الايمن وباي اسم تريده حتى لو عربي بالمثال التالي راح اضيف برنامج تشفير واسميه سيكيورتي اول شي ادخل الريجستري start run regedit اروح للمسار التالي HKEY_CLASSES_ROOT\Directory\shell اكون داخل هذا المسار مفتاح ((فولدر )) جديد وننطيه اي اسم يعجبك عربي والا انكلش بس طبعا مقارب للبرنامج علموود تعرفه كما في الصورة راح اسميه اني سيكيورتي اوكي هسة تكون فولدر وهو مفتاح باسم سيكيورتي داخل مسار ال shell هسة بنفس الطريقة اكون مفتاح (( فولدر )) داخل مفتاح ال سيكيورتي الي سويته وانطيه اسم command لازم انطيه هذا الاسم زين هسة على هذا الفولدر الجدييد ااشر ومن على يمينه كليك ايمن على كما في الصورة واختار تعديل راح يطلعلي المربع التالي اكتب بيه مسار الملف التنفيذي للبرنامج الي اريده والي راح يكون بالنسبة الي المسار الموجود بالصورة ركز على المسار ويكون بيه اسم وامتداد الملف ايظا يعني كالتلي ((J:\xp-subprog\pc security\security\SECURITY.exe )) انت تخلي حسب اسم ومسار الملف الي تريده هذا هو تسد الريجستري وكلك ايمن عى اي فولدر باي مكان يطلعلك البرنامج بالقائمة كالتالي اما اذا انت حشاش وعجوزي متريد هاذا الفلم كله تكدر تسوي ملف ريجستري وهم راح اشرحللك شلون تفتح ملف جديد من النوت باد (( بس لاتكلي شنو النوت باد )) هههههههههههههه وتكتب بيه الكود كالتالي من تخلص تسيفه save باسم safaa.reg راح يتكون مف ريجستري شوف انت وين خزنته روح بس افتحه راح يضيفلك القيمة بالريجستري ترا اذا ما تكتب safaa لا محالل ولاموهوب ويعوضك عن باقي الخطوات واذو تريديون تشيلون هذا المدخل من القائمة مال الكليك الايمن عادي تروحون لنفس المسار وتسوله ديليت
|